Махмут Хазрат Шарафутдин

№ 4956729608 Бөтен байлык, уңыш, сөенеч, бәрәкәт һәм нигъмәтләр кулында булган Аллаһ Тәгаләгә шөкеранабыз һәм иксез-чиксез рәхмәтләребез булсын. Шулай ук бу дөньяда бөтен кешеләргә бәхет һәм сәгадәт теләп, соңгы сулышына ка¬дәр дога кылып яшәгән Мөхәммәд (с.г.в.)нең рухына салаватларыбыз ирешсен. Хөрмәтле дустым! Аллаһ Тәгалә бөтенебезгә ике дөнья сөенече насыйп итсен. Кемне бәхетлегә санап була һәм бәхет дигән нәрсә бармы дөньяда, дигән сорауга җавап бирү авыр. Чөнки дөньяда яшәгән һәрбер кешенең бәхете үзенчә. Авырып яткан кеше бәхетен шифалануда күрә. Өйләнмәгән яки кияүгә чыкмаган кеше, тормыш иптәшен тапсам бәхетле булырмын, дип фикер йөртә. Фәкыйрь бәхетне байлыкта күрә һәм мондый үрнәкләрне күп китереп була. Әмма шунысы бик гаҗәп: әлеге мисаллардагы кешеләр, нигәдер, үзләренең максатларына ирешкәннән соң, бәхет эзләүне дәвам итәләр. Бәхет сәламәт булуда, бай булуда, матур һәм дәрәҗәле булуда дип гадирәк итеп әйтсәк, нигә соң ул нәрсәләргә ия булучылар үзләрен бәхетле дип санамыйлар?! Бу авыр сорауга гади һәм иң дөрес җавап шул: “Бәхет күңел тынычлыгында һәм нәфеснең канәгать булуындадыр”. Бу җавап белән килешмәгән кешеләр мәгънәсез эзләнүләрен әле дәвам итәчәкләр дип уйлыйм. Эчке һәм тышкы дөньясы елмаю, шатлык һәм сөенеч белән тулган бер кешедән: “Сез ничек һәрвакыт күтәренке күңел белән яши аласыз? Ни гаҗәп, сезнең йөзегездә елмаю һичбер вакыт сүрелми. Безгә дә шушы хәлгә ирешү юлын өйрәтегез әле. Үзегезнең бәхетле булу серен безгә дә ачсагыз иде”, – дип сорыйлар. Бу кеше: “Мин дә нәкъ сезнең кебек бик озак еллар буе күңелсезләнеп, булган һәм булмаган хәлләргә борчылып яшәдем. Әмма бик күп эзләнүләрдән соң шуны аңладым: Аллаһ Тәгалә бу гомерне һәм шуның белән бергә ихтыяр көчен миңа бүләк иткән. Шулай булгач, бәхетле булу яки бәхетсез булу минем кулымда. Һәр көнне иртә белән уянгач, мин үз-үземә: “Бүгенге көнне сөенечтә яки кайгыда уздыру минем үземнән тора. Шуңа күрә бу көннең һәр мизгелен мин сөенечтә, шатлыкта уздырачакмын дип үземә-үзем боерык бирәм”, дип сөйләгән иде. ХӘЗРӘТ ШӘРӘФЕТДИН

Просмотры

84 933

Подписчики

53 201

Видео

4

Рост

0.0%